दिल्ली : अमेरिकेतील हवाई राज्यातील जंगलातील आग भीषण होत आहे. या आगीत आतापर्यंत 67 जणांचा मृत्यू झाला आहे. मृतांचा आकडा सातत्याने वाढत आहे. आग विझवण्यासाठी प्रशासनाकडून सातत्याने प्रयत्न केले जात असले तरी त्यांचे प्रयत्न अपुरे पडत आहेत.
आगीमुळे हजारो लोक बेघर झाले आहेत. याशिवाय शहरातील 1000 हून अधिक इमारती जळून खाक झाल्या आहेत.मिळालेल्या माहितीनुसार, आगीमुळे लाहौना शहर पूर्णपणे उद्ध्वस्त झाले आहे. हवाईचे गव्हर्नर जोश ग्रीन म्हणाले की, विनाशानंतर 16 लाख लोकसंख्या असलेल्या लाहौना शहराची पुनर्बांधणी करण्यासाठी अनेक वर्षे आणि कोट्यवधी रुपये लागतील. त्याचवेळी अमेरिकेचे राष्ट्राध्यक्ष जो बिडेन यांनी या नैसर्गिक आपत्तीला तोंड देण्यासाठी निधी जारी केला आहे. आगग्रस्त भागातून आतापर्यंत 15 हजारांहून अधिक लोकांना सुरक्षित बाहेर काढण्यात आल्याचे सांगण्यात येत आहे. यामध्ये अनेक पर्यटकांचाही समावेश आहे.
