कोल्हापूर : करवीर मतदारसंघाचे महायुती शिवसेनेचे उमेदवार चंद्रदीप नरके यांच्या प्रचारार्थ दत्त समर्थ हॉल आंबेवाडी येथे महिला मेळावा पार पडला. या मेळाव्यासाठी मुख्यमंत्री एकनाथजी शिंदे साहेब यांच्या स्नुषा वृषाली श्रीकांत शिंदे प्रमुख उपस्थित होत्या. महिलांचा प्रचंड उत्साह पहायला मिळाला. चंद्रदीप नरके यांच्या विजयासाठी आशीर्वाद द्यायला, हजारोंच्या संख्येने माता-भगिनी उपस्थित होत्या. रेकॉर्डब्रेक गर्दी होती. लाडकी बहिण योजनेसह सरकारने महिलांसाठी राबवलेल्या विविध योजनांमुळे महिलांचा महायुतीला भक्कम पाठिंबा आहे.
यावेळी वृषाली श्रीकांत शिंदे, शिवसेना उपनेत्या शितल म्हात्रे, राजलक्ष्मी चंद्रदीप नरके, शिवसेना निरिक्षक शारदा जाधव, ऐश्वर्या नरके-पोळ, देविका नरके-फाटक, प्रिया क्षीरसागर, जिल्हा महिला प्रमुख – शिवसेना शुभांगी पोवार यांच्यासह शिंगणापूर जिल्हा परिषद व वडणगे पंचायत समिती कार्यक्षेत्रातील, विविध सामाजिक, राजकीय व सहकार क्षेत्रातील संस्थांच्या आजी-माजी पदाधिकारी व सदस्या त्याचबरोबर हजारोंच्या संख्येने माता-भगिनी उपस्थित होत्या.
