कोल्हापूर : कराड दक्षिण विधानसभेचे इंडिया आघाडी, महाविकास आघाडी आणि काँग्रेसचे उमेदवार पृथ्वीराज चव्हाण यांच्या प्रचारार्थ आगाशिवनगर, मलकापूर येथे आयोजित करण्यात आलेल्या सभेत आमदार सतेज पाटील यांनी उपस्थित राहून नागरिकांशी संवाद साधला. ॲड. उदयसिंह पाटील- उंडाळकर यांचीही यावेळी उपस्थिती होती.
कराड दक्षिणमधल्या मतदारांचा पृथ्वीराज चव्हाण जी यांच्या नेतृत्वावर त्यांचा विश्वास कायम असून त्यांना प्रचंड मतांनी विजयी करण्याचा संकल्प मतदारांनी केला आहे.
यावेळी कराडचे माजी उपनगराध्यक्ष मनोहर शिंदे, अजितराव पाटील- चिखलीकर, शिवसेनेचे नितीन काशीद यांच्यासह शंकरराव खबाले, नामदेवराव पाटील, धनाजी काटकर, बंडानाना जगताप, नरेंद्र पाटील, शिवाजी मोहिते, कराडच्या माजी नगराध्यक्षा निलम येडगे, विद्या थोरवडे, गीतांजली थोरात, नगरपरिषदेचे आजी- माजी नगरसेवक, महाविकास आघाडीचे पदाधिकारी आणि नागरिक मोठ्या संख्येने उपस्थित होते.
