कुंभोज (विनोद शिंगे)
महायुतीचे अधिकृत उमेदवार राहुल प्रकाश आवाडे यांच्या प्रचारार्थ आमदार प्रकाशआण्णा आवाडे, भाजप प्रदेश उपाध्यक्ष . सुरेश हाळवणकर व भाजपा ग्रामीण जिल्हाध्यक्ष (पुर्व) राजवर्धन नाईक निंबाळकर यांच्या प्रमुख उपस्थितीत तारदाळ येथील गणेश मंदिरसमोर पटागंण, जी. के. नगर येथे युवक संवाद मेळावा संपन्न झाला.
यावेळी बोलताना माजी आमदार सुरेश हाळवणकर म्हणाले की, शिंदे फडवणीस सरकारने महिलांच्यासाठी राबवलेल्या वेगवेगळ्या योजना व तसेच शेतकऱ्यांच्यासाठी घेतलेले निर्णय पंतप्रधान नरेंद्र मोदी पीएम किसान योजनेचा लाभ नक्कीच या निवडणुकीत होणार असून शेतकरी व महिलावर्ग शिंदे, फडवणीस सरकारला पुन्हा एकदा सत्तेत आणतील. तसेच महायुतीचे उमेदवार राहुल आवडे यांचा विजय निश्चित असून येणाऱ्या काळात त्यांच्या माध्यमातून इचलकरंजीचा सर्वांगीण विकास केला जाईल असेही ते म्हणाले.
या मेळाव्यात युवकांमध्ये जागरूकता निर्माण करण्यासाठी आणि त्यांना समृद्ध, बलवान भविष्यासाठी मार्गदर्शन देण्यासाठी हा मेळावा अत्यंत महत्त्वपूर्ण ठरला. महायुतीच्या उमेदवाराला प्रोत्साहन देण्यासाठी युवकांनी मोठ्या संख्येने सहभाग घेतला आणि उत्साही प्रतिसाद दिला.
यावेळी माजी जिल्हा परिषद सदस्य, तालुका पंचायत सदस्य, सरपंच, उपसरपंच, ग्रामपंचायत सदस्य यांच्यासह महायुतीचे प्रमुख पदाधिकारी, कार्यकर्ते, नागरिक व युवक मोठ्या संख्येने उपस्थित होते.
