कोल्हापूर (प्रतिनिधी) : जगप्रसिद्ध असणार व्हॉट्सअॅप आज (मंगळवारी) दुपारी १२च्या सुमारास डाऊन झालं.एकीकडे काही तांत्रिक बिघाडामुळे व्हॉट्सअॅप डाऊन झाल्याचं सांगितलं जात असतानाच दुसरीकडे हा सायबर हल्ला असण्याचीही शक्यता वर्तवली जात आहे.
सुरुवातीला काही काळ व्हॉट्सअॅप ग्रुपवर मेसेजेस पाठवता येत नव्हते. मात्र, काही वेळानंतर पर्सनल चॅटदेखील बंद झाले. पहिल्या अर्ध्या तासातच हजारो युजर्सनी ही समस्या येत असल्याचं ट्विटरवर सांगितलं. मात्र,अखेर जवळपास दोन तासांच्या विस्कळीत सेवेनंतर, व्हॉट्सअॅप पुन्हा पूर्ववत सुरू झालं आहे.
मात्र,अचानक व्हॉट्सअॅप बंद पडल्यामुळे लाखो नेटिझन्सनी ट्विटरकडे धाव घेत आपला संताप तिकडे व्यक्त केला. आम्हाला माहिती आहे की सध्या काही युजर्सला व्हॉट्सअॅप वापरण्यात अडचणी येत आहेत. आम्ही त्यावर काम करत असून लवकरात लवकर सगळ्यांसाठी सेवा पुन्हा सुरळीत करण्यासाठी आम्ही प्रयत्न करत आहोत”, अशी प्रतिक्रिया व्हॉट्सअ‍ॅपच्या प्रवक्त्यांनी दिली होती.
