कोल्हापूर : दि. 2 फेब्रुवारी 2025 इ. रोजी जिल्हा परिषद,कोल्हापूर च्या प्रांगणात ठिक 5.00 वाजता. पालक मंत्री प्रकाश आबिटकर यांच्या शुभ हस्ते बोलेरो या वाहनांचे वितरीत करणेत आले. सदरची वाहने पंचायत समिती आजरा, भुदरगड, शाहूवाडी, पन्हाळा, कागल ,शिरोळ यांना वाटप करणेत आली.
केंद्र सरकार व राज्य सरकार यांच्या विविध योजनांची प्रभावी अंमलबजावणी करणेच्या दृष्टीकोनातून गट विकास अधिकारी यांना गावपातळीवर भेटी देणेकामी वाहनांची खरेदी करणेत आली. ही वाहने जिल्हा परिषद स्तरावर जि.प.च्या घसारा निधीतून महिन्द्रा कंपनीचे अधिकृत वितरक ट्रेंडी व्हील्स प्रा. लि. शिरोली यांचेकडून बोलेरो निओ खरेदी करणेत आलेली आहेत.
यानंतर पालकमंत्री ,प्रकाश आबिटकर यांचे हस्ते जिल्हा परिषदेचे मुख्य कार्यकारी अधिकारी कार्तिकेयन एस. यांचे नूतनीकरण करणेत आलेल्या दालनाचे उदघाटन करणेत आले.
सदरच्या वाहन वितरण व मुख्य कार्यकारी अधिकारी यांचे नूतनीकरण करणेत आलेल्या दालनाचे उदघाटन सोहळयास जिल्हाधिकारी अमोल येडगे, जिल्हा परिषदेचे मुख्य कार्यकारी अधिकारी कार्तिकेयन एस.,अतिरिक्त मुख्य कार्यकारी अधिकारी संतोष जोशी , जिल्हा ग्रामीण विकास यंत्रणेच्या प्रकल्प संचालक सुषमा देसाई , सामान्य प्रशासन विभागाच्या उपमुख्य कार्यकारी अधिकारी मनीषा देसाई, उपमुख्य कार्यकारी अधिकारी (ग्रा.पं)अरूण जाधव, प्रकल्प संचालक, माधुरी परिट कार्यकारी (पाणी व स्वच्छता), मुख्य लेखा व वित्त् अधिकारी अतुल आकुर्डे , कार्यकारी अभियंता (बांधकाम) सचिन सांगावकर , जिल्हा आरोग्य अधिकारी अनिरुध्द पिंपळे , जिल्हा पशुसंवर्धन अधिकारी डॉ. प्रमोद बाबर, ग्रामीण पाणी पुरवठा विभागाचे कार्यकारी अभियंता अर्जुन गोळे, प्राथमिक शिक्षणाधिकारी मीना शेंडकर, कृषी विकास अधिकारी सारिका वसगावकर तसेच आजरा, भुदरगड, शाहूवाडी, पन्हाळा, कागल ,शिरोळ या तालुक्यातील सर्व गट विकास अधिकारी व मुख्यालयातील अधिकारी ,कर्मचारी मोठया संख्येने उपस्थित होते.
