कोल्हापूर: म्हाकवे (ता. कागल) दोन गाईंना विद्युत पंख्याचा शॉक बसल्यामुळे जागीच मृत्यू झाला. यामुळे सुमारे दीड लाख रुपयांचे नुकसान झाले असून श्रीपती ज्ञानू पाटील यांच्या कुटुंबाचे आर्थिक नुकसान झाले आहे.
म्हाकवेतील श्रीपती ज्ञानू पाटील यांचा गाईंचा गोठा ओढ्याजवळ आहे. उष्णेतेचा त्रास होऊ नये म्हणून गोठयामध्ये सिलिंग फॅनची सोय करण्यात आली होती. श्रीपती ज्ञानू पाटील हे दुपारी बारा वाजता वैरण टाकून घरी आले.त्यावेळी पंखा सुरू होता हा पंखा जळून त्याचा शॉक लोखंडी अँगल मध्ये उतरल्यामुळे दोन गाईंचा जागीच मृत्यू झाला. या दोन गाईंची किंमत अंदाजे दीड लाख रुपये असून,पाटील कुटुंबीयांना मोठा आर्थिक फटका बसला आहे .यामुळे परिसरात हळव्या व्यक्त होत आहे.
पाटील यांच्या गोठ्यात तीन गायी असून दोन गाईंच्या मध्ये लोखंडी खांब होता. पंख्याचा विद्युत प्रवाह लोखंडी खांबात उतरल्यामुळे त्या दोन गाईंना शॉक बसला .एका गाईच्या बाजूला लाकडी खांब असल्यामुळे त्या गाईला विद्युत शॉक बसलेला नाही. मृत्युमुखी पडलेल्या गाईंचा पंचनामा करण्यात आला आहे.
