कोल्हापूर : इचलकरंजी विधानसभा मतदारसंघातील महायुतीचे अधिकृत उमेदवार राहुल प्रकाश आवाडे यांच्या प्रचारार्थ आमदार प्रकाशआण्णा आवाडे, भाजप प्रदेश उपाध्यक्ष सुरेश हाळवणकर, डी.के.टी.ई संचालक रवी आवाडे यांच्यासह प्रमुख पदाधिकारांच्या उपस्थितीत जुना चंदूर रोड श्री दुर्गामाता मंदिर येथून भव्य प्रचार पदयात्रेचा शुभारंभ करण्यात आला. या पदयात्रेने इचलकरंजी विधानसभा मतदारसंघात एक उत्साहवर्धक वातावरण निर्माण केले.
प्रचार पदयात्रेला प्रारंभ करण्यासाठी स्थानिक कार्यकर्ते आणि समर्थक मोठ्या संख्येने एकत्र आले होते. प्रचार पदयात्रे दरम्यान राहुल आवाडे यांनी उपस्थितांना संबोधित करताना आपल्या राजकीय दृष्टिकोनाबद्दल आणि कार्यकाळात त्यांनी केलेल्या प्रगतीच्या योजनांबद्दल माहिती दिली. त्यांनी आपल्या कार्यकर्त्यांना आव्हान केले की, ते स्थानिक समस्यांचे निराकरण करण्यासाठी एकत्रितपणे कार्य करावेत आणि प्रत्येक मतदाराशी संवाद साधावा.
या भव्य प्रचार पदयात्रेमुळे स्थानिक स्तरावर जनतेत उत्साहाचे वातावरण निर्माण झाले असून, महायुतीच्या आगामी निवडणुकांमध्ये विजय मिळविण्याच्या दृष्टीने हे महत्त्वाचे पाऊल ठरले आहे. कार्यकर्त्यांच्या मेहनतीमुळे आणि नागरिकांच्या समर्थनामुळे या प्रचार पदयात्रेने स्थानिक राजकारणात नवीन ऊर्जा भरली आहे.
यावेळी भाजप शहराध्यक्ष पै. अमृतमामा भोसले, बाळासाहेब कलागते, नागेश पाटील, राजू पुजारी, प्रकाश पाटील, रवी लोहार, मोहन कुंभार, संतोष शेळके, सीमा कमते, सुप्रिया शिंदे, अमृता शिंदे, तानाजी भोसले, पिंटू रावळ, विठ्ठल काकणकी, महेश पाटील, शिवाजी काळे, शिवाजी माळी, प्रमोद बचाटे, दत्तात्रय कुंभोजे, बाळू चव्हाण, बंडोपंत लाड, नंदू पाटील, गजानन लोंढे, उमाकांत दाभोळे यांच्यासह भाजप महायुतीचे प्रमुख पदाधिकारी, महायुतीचे सर्व कार्यकर्ते, नागरिक, महिला व बूथ कमिटी मेम्बर्स मोठ्या संख्येने उपस्थित होते.
