बेळगाव : शिंदोळी (ता.बेळगाव) येथील एका घरात चोरट्याने प्रवेश केला, चोरांना घाबरून भीतीने पळून जाण्याच्या प्रयत्नात महिलेचा घरामागील खड्ड्यात पडून दुर्दैवी मृत्यू झाला. ही घटना गुरुवारी सकाळी उघडकीस आली असून भरमक्का पुजारी असे मृत महिलेची नाव आहे . 
मिळालेल्या माहितीनुसार, भरमक्का पुजारी यांच्या घरात बुधवारी (दि.25)रात्री चोरट्यांनी प्रवेश केला. चोरांची चाहूल लागतात भरमक्का यांनी भीतीने घरातून पळ काढला, घराबाहेर धावताना त्यांना मागील बाजूस असलेल्या मोठ्या खड्ड्याचा अंदाज न आल्यामुळे त्यामध्ये कोसळल्या. त्यांना वर्मी दुखापत झाल्याने, त्यांचा जागीच मृत्यू झाला. स्थानिक रहिवाशांनी त्यांचा मृतदेह शोधून पोलिसांना या घटनेची माहिती कळवली. मारीहाळ पोलिसांनी घटनास्थळी येऊन मृतदेह उत्तरीय तपासणीसाठी बीम्स हॉस्पिटलमध्ये पाठवण्यात आला.
