कुंभोज/विनोद शिंगे
बिअरबारमध्ये फरशीने ठेचून एकाचा खून करण्यात आला. विनायक कोरवी असे मृताचे नाव आहे. हातकणंगले येथे इचलकरंजी रस्त्यालगत असणाऱ्या अध्यक्ष बारमध्ये सोमवारी रात्री ही घटना घडली. हल्ल्यानंतर तिघेजण पसार झाले. या घटनेने परिसरात खळबळ माजली आहे.
याबाबत मिळालेली अधिक माहिती अशी, विनायक कोरवी याच्यावर तिघा हल्लेखोरांनी फरशीने हल्ला केला. यामध्ये त्याचा मृत्यू झाला. या घटनेची माहिती मिळताच हातकणंगले पोलिसांनी घटनास्थळी धाव घेतली. हल्लेखोर तिघेजण असल्याची माहिती पुढे आली. हल्ल्यानंतर संशयितांनी पलायन केले. त्यांना ताब्यात घेण्यासाठी पोलिसांनी यंत्रणा गतीमान केली.
