कुंभोज येथे अनंत चतुर्थी निमित्त भगवान महावीर यांचा पालखी सोहळा संपन्न;

कुंभोज प्रतिनिधी : विनोद शिंगे
कुंभोज (ता. हातकलंगले) येथे अनंत चतुर्थीच्या निमित्ताने समस्त जैन समाजाच्या वतीने भगवान महावीर यांचा पालखी सोहळा मोठ्या उत्साहात संपन्न झाला. जैन बस्ती पासून निघालेला पालखी सोहळा विवेक पाटील यांच्या शेतातील विहिरीजवळ येऊन तिथे विधिवत्त अभिषेक व पूजा अर्चा वअत्यंत धार्मिक विधी भगवान महावीर यांच्या जयघोषात करण्यात आले.

सदर पालखी सोहळ्यासाठी मोठ्या प्रमाणात कुंभोज सह परिसरातील जैन श्रावक साविका उपस्थित राहिल्या होत्या, यावेळी वीर सेवा दल,वीर महिला मंडळ चे कार्यकर्ते तसेच जैन समाजातील अनेक मान्यवर उपस्थित होते. सदर पालखी सोहळ्या दरम्यान कुंभोज सह परिसरात वातावरण अत्यंत धार्मिक बनले होते.