वर्कआउट्सकडे दुर्लक्ष करणे, जेवणात पोषक तत्वांचा अभाव आणि तासनतास एकाच जागी बसून काम करणे यामुळे बहुतेक लोकांना उच्च कोलेस्ट्रॉल, उच्च रक्तदाब आणि मधुमेह यासारख्या समस्या त्रास देतात.त्यामुळे शरीरातील रक्ताभिसरण बिघडू लागते.
अशाच एका आसनाबाबत आज आपण जाणून घेणार आहोत. ज्यामुळे तुमची पाठ, कंबरदुखीही दूर होईल आणि तुमचं ब्लड सर्क्युलेशनही सुरळीत होईल. तेव्हा जाणून घेऊया या आसनाबाबत सविस्तर.
पार्श्वकोनासन हे दंडस्थितीमधील आसन आहे
असे करावे आसन
प्रथम ताठ उभे राहावे. त्यानंतर दोन्ही पायात साधारण अडीच ते तीन फुटांचे अंतर घ्यावे. (उंचीनुसार कमी-जास्त अंतर घेणे.)
दोन्ही हात बाजूने खांद्याच्या रेषेत जमिनीला समांतर येतील एवढेच वर घ्यावे.
नंतर उजवे पाऊल उजव्या बाजूला वळवावे. उजवा पाय गुडघ्यात वाकवून साधारण मांडी व पोटरीमध्ये काटकोन असेल असे बघावे. उजवी मांडी जमिनीला समांतर असावी.
उजवा गुडघा घोट्याच्या पुढे जाणार नाही ही काळजी घ्यावी.
हळू हळू कमरेतून उजव्या बाजूला वाकावे आणि उजव्या हाताचा तळवा उजव्या पावलाच्या मागच्या किंवा पुढच्या बाजूला जमिनीवर टेकवावा.
आसनाचे फायदे
या आसनाच्या नियमित सरावाने कंबरेला, पायाला, खांदा व हातात उत्तम ताण बसतो. त्यामुळे रक्ताभिसरण सुधारते.
तेथील स्नायूंची लवचिकता व ताकद वाढते.
शरीरावरील अतिरिक्त चरबी कमी होते. वात कमी होतो.
फुफ्फुसांची कार्यक्षमता वाढल्याने अस्थमा, बालदमा, श्वसनाचे त्रास कमी होण्यास मदत होते.
तेव्हा हे आसन नियमित करा आणि तुमच्या शरीरातील फरक स्वत: जाणवा. तुम्हाला हे आसन केल्याने फार फ्रेश वाटेल आणि तुमचा संपूर्ण दिवस अगदी उत्स्फुर्त राहील. आसनाने बऱ्याच आरोग्यविषयक समस्या दूर होतात.
