कोल्हापूर ( प्रतिनिधी) क्रिडाई कोल्हापूर तर्फे पश्चिम महाराष्ट्रातील भव्य वास्तू व बांधकाम विषयक प्रदर्शन दालन फेब्रुवारी २०२४ चे आयोजन महासैनिक दरबार हॉलच्या मैदानावर येत्या ९ ते १२ फेबुवारी २०२४ च्या दरम्यान आयोजित केले आहे. या प्रदर्शनाला कोल्हापूर सह इंचलकरजी जयसिंगपूर, गडहिंग्लज, निपाणी , बेळगांव, सांगली, सातारा, सोलापूर, सिंधुदुर्ग, रत्नागिरी या जिल्हयातुन जवळपास ४ लाख नागरिक भेट देतील. अशी माहिती क्रिडाई कोल्हापूरचे अध्यक्ष के. पी. खोत व दालन फेब्रुवारी २०२४ चे चेअरमन चेतन वसा यांनी आज (बुधवारी) पत्रकार परिषदेत दिली .
क्रीडाई कोल्हापूरचे अध्यक्ष के. पी. खोत यांनी संघटनेच्या ३५ वर्षाच्या कारकिर्दीचा आढावा घेत क्रिडाईने बांधकाम व्यावसायिकांचे हित जोपासण्याबरोबर शहराच्या विकासात केलेल्या भरीव कार्याबाबत यावेळी माहिती दिली.
क्रिडाई कोल्हापूर तर्फे भरवले जाणारे दालन फोब्रुवारी २०२४ हे १२ वे दालन आहे. शासनाने संपूर्ण राज्यासाठी सर्व समावेशक एकात्मिक विकास नियंत्रण व प्रोत्साहन नियमावली २ डिसेंबर २०२० पासून अमलात आणली असल्याने रियल इस्टेट क्षेत्राला चांगले दिवस आले असून बांधकाम क्षेत्रात वाढ झाली आहे.
क्रिडाई कोल्हापूरच्या सभासदांची वाढती संख्या विचारात घेऊन तसेच सभासदांचे सध्या चालू असलेले प्रोजेक्ट पहाता यापुर्वी तीन वर्षानी घेतले जाणारे दालन दोन वर्षानी घेण्याचा निर्णय कमिटीने घेतला आहे. दालन कमिटीतील नूतन पदाधिकारी असे आहेत चेअरमन चेतन वसा, व्हा. चेअरमन प्रमोद साळुंखे, कन्व्हेनर अतुल पोवार, को कन्व्हेनर लक्ष्मीकांत चौगुले, को कन्व्हेनर संदिप पवार,सचिव गणेश सावंत सहसचिव संग्राम दळवी,खजिनदार श्रीधर कुलकर्णी
सहखजिनदार उदय निचिते.
या प्रदर्शनाचा मुख्य हेतू कोल्हापूर व परिसरातील ग्राहकांना एकाच छताखाली नवनविन बांधकाम प्रकल्प व तंत्रज्ञान, बांधकाम विषयक साहीत्य, सेवा, अर्थ सहाय्य योजना यांची माहिती मिळावी हा असून घराचे स्वप्न प्रत्यक्षात उतरविण्यास या प्रदर्शनाचा मोठा हातभार लागणार आहे.
येणारे दालन २०२४ भव्य दिव्य करण्याचा निर्णय क्रिडाई मॅनेजिंग कमिटी व दालन कमिटीने घेतला असून या दालन मध्ये सर्वासाठी घर घेण्याची संधी उपलब्ध असणार आहे. येणा-या दालन फेब्रुवारी २०२४ मध्ये बांधकाम सभासदांचे १०० स्टॉल असणार असून आपले विविध प्रोजेक्ट मांडणी करणार आहते, तसेच मटेरियल व वित्तीय संस्थाचे १०० स्टॉल असणार आहेत अशी माहीती क्रिडाई कोल्हापूरचे अध्यक्ष के. पी. खोत व दालन २०२४ चे चेअरमन चेतन वसा यांनी दिली.
या पत्रकार परीषदेस क्रिडाई कोल्हापूरचे अध्यक्ष के. पी. खोत, उपाध्यक्ष सचिन ओसवाल, उपाध्यक्ष गौतम परमार, सचिव संदिप मिरजकर, खजानिस अजय डोईजड, दालनचे २०२४ चे चेअरमन चेतन वसा, समन्वयक अतुल पोवार, सचिव गणेश सावंत, सहसचिव संग्राम दळवी, खजानिस श्रीधर कुलकर्णी, सहखजानिस उदय निचिते क्रिडाई कोल्हापूरचे पदाधिकारी व क्रिडाई कोल्हापूर संचालक हजर होते. आभार प्रदर्शन क्रिडाईचे सचिव संदिप मिरजकर यांनी केले.