कोल्हापूर : वैद्यकीय शिक्षण व विशेष सहाय्य मंत्री हसन मुश्रीफ यांच्या उपस्थितीत सोमवार दिनांक 4 सप्टेंबर 2023 रोजी जिल्हा नियोजन समिती सभागृह, जिल्हाधिकारी कार्यालय, कोल्हापूर येथे जनता दरबार आयोजित करण्यात आला आहे.
जिल्ह्यातील नागरिकांनी आपले प्रश्न, अर्ज, निवेदने व अडचणी सोडविण्यासाठी जनता दरबारात उपस्थित रहावे असे आवाहन प्रशासनाकडून करण्यात आले आहे. सोबत आपल्या समस्यांविषयी लेखी अर्ज दोन प्रतीत आणावा. आपण सादर केलेल्या अर्जावर एक महिन्याच्या आत तपासणी करून कार्यवाही करण्याचे नियोजन करण्यात येणार आहे. तसेच त्याच दिवशी लोकशाही दिन असल्यामुळे लोकशाही दिनाचे अर्जही तिथेच स्वीकारले जाणार आहेत.
