नवी दिल्ली: भारतीय वंशाचे अमेरिकन अब्जाधीश विवेक रामास्वामी आपल्या मुलांची देखरेख करण्यासाठी दायीच्या शोधात आहे. त्यासाठी ते ८३ लाख रुपये मोजण्यासाठी तयार आहेत. मात्र, त्यांच्या काही अटी आहेत, त्या पुर्ण केल्यावर ही नोकरी दिली जाईल.
नोकरीसाठी दिलेल्या जाहिरातीत लिहिण्यात आलय की रामस्वामी आपल्या मुलांची देखरेख करण्यासाठी दाई शोधत आहेत. या दाईला मुलांची वाढ आणि विकासासाठी तिला कुटुंबात होणाऱ्या कार्यक्रमांमध्ये सहभागी व्हावं लागेल.
उमेदवाराला साप्ताहिक रोटेशनल वेळापत्रकानुसार काम करावं लागेल. आठवड्यातून एक दिवस सुट्टी मिळेल. अशा प्रकारे 26 आठवडे काम करण्यासाठी आयाला 83 लाख रुपये पगार दिला जाणार आहे. आयाला दर आठवड्याला खासगी विमानाने प्रवास करावा लागू शकतो, असेही जाहिरातीत नमूद आहे. साप्ताहिक कौटुंबिक प्रवास, खासगी विमानाने नियमित प्रवास करावा लागेल, असे जाहिरातीत लिहिले आहे.
आयाला घरातील कर्मचाऱ्यांचा भाग असावा लागेल, असे सांगण्यात आले आहे. ज्यामध्ये एक आचारी, एक आया, एक घरकाम करणारी आणि खाजगी सुरक्षा यांचा समावेश आहे.आयाला एका संघासह एकत्र काम करावे लागेल. नॅनी म्हणून काम करणाऱ्या कर्मचाऱ्यांची ही टीम आहे. मुलांची दैनंदिन दिनचर्या ठरवणे आणि प्रवासासाठी त्यांचे सामान पॅक आणि अनपॅक करणे हे त्यांचे काम आहे.
आयाला करारावर स्वाक्षरी करावी लागेल. उमेदवाराचे वय कमीत कमी २१ वर्षे असावे. तसेच नोकरीचा चांगला अनुभव असावा. आम्ही तुम्हाला सांगतो, विवेक रामास्वामीचे लग्न अपूर्वा रामास्वामीशी झाले आहे. येल विद्यापीठात शिकत असताना दोघांची भेट झाली. त्यांना दोन मुलगे आहेत. अमेरिकेच्या राष्ट्राध्यक्षपदासाठी त्यांनी दावाही सादर केला आहे.
