सांगली जिल्ह्यात पुन्हा गव्याचे दर्शन……

सांगली: सांगली जिल्ह्यात पुन्हा गवा प्रकटला आहे. चिकुर्डे (त‍ा. वाळवा) परिसरात सोमवारी सकाळी गव्याने दर्शन झाल्याने लोकांच्यात भीतीचे वातावरण निर्माण झाले आहे.

आज सकाळी चिकुर्डेलगत ठाणापुढे परिसरात विठोबा मंदिराच्या पाठीमागे शेतामध्ये लोकांना दोन गवे व लहान पिल्ली यांचे दर्शन झाले.गव्यांचे दर्शन झाल्यामुळे परिसरातील शेतकर्‍यांच्यामध्ये भीतीचे वातावरण निर्माण झाले आहे. शेतात जाताना लोक घाबरत आहेत. याची माहिती कुरळप पोलीस स्टेशनचे सहाय्यक पोलीस निरीक्षक दीपक जाधव यांना समजताच त्यांनी चिकुर्डे, ठाणापुढे परिसरातील शेतकऱ्यांना सावधानतेचा इशारा दिला आहे. गवा दिसताच पोलिसांना संपर्क साधण्याचे आणि लोकांनी शेतात जात असताना खबरदारी  घेण्याचे आवाहन  त्यांनी केले आहे.