मुंबई : एकनाथ शिंदे यांनी मुख्यमंत्रिपदाचा राजीनामा दिला आहे. त्यामुळे नवीन सरकारच्या सत्ता स्थापनेकडे राज्याचं लक्ष लागलेलं आहे. अशातच एकनाथ शिंदे हे मुख्यटमंत्रिपदावर दावा करत आहे. यामुळे भाजपकडून एकनाथ शिंदे यांना दोन ऑफर दिल्याचं कळतं आहे. मुख्यमंत्रिपदी देवेंद्र फडणवीस हेच असावेत यासाठी भाजप आग्रही आहेत. त्यामुळे एकनाथ शिंदे यांना उपमुख्यमंत्रिपदाची किंवा केंद्रातील मंत्रिपदाची ऑफर दिल्याची माहिती आहे.
मात्र त्या ऑफरवर एकनाथ शिंदे हे नाराज आहेत. त्यांनी पुन्हा एकदा मुख्यमंत्रिपदावर दावा केला आहे.तर दुसरीकडे राष्ट्रवादी अजित पवार गटाने देखील देवेंद्र फडणवीस यांच्या नावाला पसंती दिली आहे. अजित पवार गटाने समर्थनाचं पत्रदेखील दिलं आहे.
मुख्यमंत्रिपदासाठी देवेंद्र फडणवीसांच्या नावावर शिक्कामोर्तब
महायुतीमध्ये मुख्यमंत्रिपदावरून रस्सीखेच सुरु आहे. भाजपने 132 जागा जिंकल्यामुळे भाजप मुख्यमंत्रिपदावर दावा करत आहे. देवेंद्र फडणवीस हेच मुख्यमंत्री व्हावेत, अशी भाजपच्या नेत्यांची आणि कार्यकर्त्यांची इच्छा आहे. दिल्लीतून देखील देवेंद्र फडणवीस यांच्या नावावर शिक्कामोर्तब झाल्याची सूत्रांनी माहिती दिली आहे.
