पन्हाळा : मतदार संघातील सर्वच गावांसाठी मोठया प्रमाणावर निधी उपलब्ध करून देणाऱ्या खा. धैर्यशील माने यांनी विशेषतः वाडया वस्त्याची कनेक्टीव्हीटी वाढवण्यांवर भर दिला आहे. सर्वच वाडया वस्त्यांना जोडणारे रस्ते त्यांनी खासदारकीच्या काळांत पूर्ण केले आहेत. त्यामुळे वाडया वसत्यावरील नागरिकांना मुख्य प्रवाहाशी संपर्क साधणे सुलभ झाले आहे . कामातून आपली ओळख निर्माण करणाऱ्या धैर्यशील माने यांना मोठया मताधिक्याने विजयी करण्याचे आवाहन सौ . वेदांतिका माने यांनी केले . 
महायुतीचे उमेदवार धैर्यशील माने यांच्या प्रचारार्थ आज पन्हाळा तालुक्यांतील करंजफेण , बांदीवडे , गवळेवाडी , पवारवाडी , माण . , कातरेवाडी , इंजोळे , सोमवार पेठ , निकमवाडी , धबधबेवाडी , राक्षी , पन्हाळा , नेबापूर , आपटी , म्हाळुंगे , जेऊर आणि माले आदी गावांचा दौरा करून मतदारांशी संवाद साधला . त्यावेळी त्या बोलत होत्या .
यावेळी प्रत्येक गावांत हलगीच्या कडकडाटात व फटाक्यांच्या आतषबाजीत त्यांचे जोरदार स्वागत करण्यांत आले . महिलांनी जागोजागी औक्षण करून त्यांना आशिर्वाद दिले .
यावेळी त्यांच्या सोबत मा. जि.प . सदस्य शंकर पाटील उपस्थित होते .
