कागल (प्रतिनिधी) : येथील रमाई आवास योजनेतील अनेक लाभार्थ्यांचे अनुदान मंजूर होऊन केवळ राजकीय अनास्थेपोटी बऱ्याच वर्षांपासून पासून रखडले होते. या योजनेतील लाभार्थ्यांनी शासकीय कार्यालयामध्ये अनेक हेलपाटे घालून कोणीही त्यांची दखल घेतली नव्हती.मात्र, यामध्ये समरजीत घाटगे यांनी या कामात लक्ष घातले व हे रखडलेले अनुदान लाभार्थ्यांच्या खात्यावर थेट वर्ग होण्यासाठी यशस्वी पाठपुरावा केला.
याबद्धल लाभार्थी रंजना सोनुले,विवेक सोनुले,अविनाश कांबळे, अरूण लोखंडे, विशाल आवळे, विजय धस्ते या लाभार्थ्यांनी कुटुंबीयांसमवेत समरजित घाटगे यांचे आभार मानले.
यावेळी बोलताना लाभार्थी विशाल आवळे म्हणाले की, समरजित घाटगे यांच्या प्रयत्नामुळे आमच्या खात्यावर पैसे वर्ग करून अनेक वर्षे रखडलेले आमच्या हक्काच्या घराचे स्वप्न पूर्ण करून सत्यात उतरवले आहे.आत्ता आमची एकच विनंती आहे की आमच्या वास्तुशांतीसाठी आपण सहकुटुंब यावे असे आग्रहाचे निमंत्रण यावेळी घाटगे यांना दिले.
यावेळी राजे बँकेचे संचालक उमेश सावंत, बाळू हेगडे,संजय सोनुले,गजानन माने, विजय सोनुले, विक्रम गाडेकर यांच्यासह लाभार्थी कुटुंबीय व कार्यकर्ते मोठ्या संख्येने उपस्थित होते.
