कोल्हापूर : आम्हीच खरे शिवसैनिक आहोत असे शिवसैनिकांकडून सांगण्यासाठी खोटी शपथपत्रे सादर करण्यात आली आहेत. शिवसेनेचे ७० टक्के लोकप्रतिनिधी शिंदे गटाकडे असताना ठाकरे गटाचा आपणच खरी शिवसेना हा सांगण्याचा केविलवाणा प्रकार आहे. खरी शिवसेना कोणती हे सिद्ध झालेलं आहे. सच्चा आणि खऱ्या शिवसैनिकाने खोटे प्रतिज्ञापत्र सादर करायला नको होते असे प्रतिपादन खा.संजय मंडलिक यांनी केले आहे.
ठाकरे गटाने सादर केलेल्या प्रतिज्ञा पत्रांची चौकशी करण्यासाठी मुंबईतील क्राईम ब्रँच पथक कोल्हापूरात दाखल झाले आहे. यावर माध्यमांशी प्रतिक्रिया देताना खा. मंडलिक यांनी हे वक्तव्य केलं आहे.
पुढे बोलताना खा.मंडलिक म्हणाले, बनावट प्रतिज्ञापत्रांबाबत न्यायालय काय तो निर्णय घेईलच. आम्हाला गद्दार म्हणायचं मात्र शिवसेनेचा विचार कोणी सोडला हे त्यांनीच पहाव असे बोलून खोटी प्रतिज्ञापत्र सादर करून भाडोत्री माणस का गोळा करायची? असा सवाल देखील खासदार संजय मंडलिक यांनी केला.
