कोल्हापूर : शिस्तबध्द आणि सुनियोजित प्रचार कसा करावा, हे भाजप-ताराराणी आघाडीच्या माजी नगरसेविकांनी दाखवून दिले आहे. कोल्हापूर उत्तर मतदार संघातील निवडणुकीसाठी भाजपचे उमेदवार सत्यजितनाना कदम यांच्या प्रचारासाठी या रणरागिणींनी आघाडी घेतली आहे.
रोज सकाळी एकत्र जमायचे, कोणत्या भागात जाऊन प्रचार करायचा याचे आदल्या दिवशीच नियोजन झालेले असते. त्यानुसार या महिला प्रत्येक घरात प्रत्येक मतदारापर्यंत पोचतात आणि भाजपची ध्येय धोरणे, पंतप्रधान नरेंद्र मोदींची विकासात्मक दृष्टी, संपूर्ण जगात वाढलेला भाजपचा दबदबा, कोल्हापूर उत्तर मतदार संघाचे नेमके प्रश्न आणि सत्यजितनाना कदम यांची भ्रष्टाचाराला विरोध करणारी कार्यपध्दती याबद्दल अचुकपणे माहिती देतात.
या महिला पदाधिकारी प्रत्येक मतदारांशी संपर्क साधून त्यांच्या अपेक्षा आणि प्रश्नही जाणून घेतात. अत्यंत शिस्तबध्द आणि कोणावरही टीका न करता केवळ भाजपचा विकासाचा अजेंडा जनतेसमोर मांडतात. त्यामुळे या महिला नगरसेविकांची प्रचाराची मोहिम कुतुहलाचा आणि कौतुकाचा विषय बनली आहे. सत्यजितनाना कदम यांनी नगरसेवक म्हणून केलेली कामगिरी, भागीरथी संस्थेच्या माध्यमातून महिलांसाठी राबवलेले उपक्रम याबद्दलही माहिती दिली जाते. त्यामुळे केवळ महिला वर्गच नव्हे, तर पुरूष मतदारही प्रभावित होत आहेत.
जिल्हा परिषदेच्या माजी अध्यक्षा सौ. शौमिका महाडिक, भागीरथी संस्थेच्या अध्यक्षा सौ.अरूंधती महाडिक, हातकणंगले पंचायत समितीच्या माजी सभापती सोनाली पाटील, सविता कदम, माजी नगरसेविका सीमा कदम, स्मिता माने, रूपाराणी निकम, अर्चना पागर, अनिता ढवळे, उमा इंगळे, माधुरी नकाते, मनिषा कुंभार, कविता माने, राजनंदा महाडिक, शीतल देसाई, हेमा सुर्यवंशी, श्वेता साबळे या महिला कार्यकर्त्या भाजपचा सुनियोजित प्रचार करत आहेत. त्यांच्या बरोबरीने भाजप महिला आघाडीच्या गायत्री राऊत, भारती जोशी, पुजा शिराळकर, भाग्यश्री तोडकर, सुजाता पाटील यांनीही प्रचारासाठी पायाला भिंगरी बांधल्या आहेत.
