इचलकरंजी : इचलकरंजी विधानसभा मतदारसंघातील महायुतीचा अधिकृत उमेदवार म्हणून राहुल आवाडे यांच्या प्रचारार्थ शहापूर येथील कारंडे मळा परिसर येथून गोवा राज्याचे मुख्यमंत्री प्रमोद सावंत यांच्या प्रमुख पदाधिकाऱ्यांच्या उपस्थितीत भव्य प्रचार पदयात्रा संपन्न झाली. या पदयात्रेने इचलकरंजी विधानसभा मतदारसंघात एक उत्साहवर्धक वातावरण निर्माण केले.
पदयात्रेला प्रारंभ करण्यासाठी स्थानिक कार्यकर्ते आणि समर्थक मोठ्या संख्येने एकत्र आले होते. पदयात्रेच्या मार्गावर विविध ठिकाणी नागरिकांनी राहुल आवाडे यांचे स्वागत करून औक्षण केले. ज्यामुळे या पदयात्रेला आणखी रंगत आली. पदयात्रेचा शेवट सांगता समारंभाने करण्यात आला यावेळी उपस्थितांना संबोधित करताना आपल्या राजकीय दृष्टिकोनाबद्दल आणि कार्यकाळात केलेल्या प्रगतीच्या योजनांबद्दल माहिती दिली. आपल्या कार्यकर्त्यांना आव्हान केले की, ते स्थानिक समस्यांचे निराकरण करण्यासाठी एकत्रितपणे कार्य करावेत आणि प्रत्येक मतदाराशी संवाद साधावा.
या भव्य पदयात्रेमुळे स्थानिक स्तरावर जनतेत उत्साहाचे वातावरण निर्माण झाले असून, महायुतीच्या आगामी निवडणुकांमध्ये विजय मिळविण्याच्या दृष्टीने हे महत्त्वाचे पाऊल ठरले आहे. कार्यकर्त्यांच्या मेहनतीमुळे आणि नागरिकांच्या समर्थनामुळे या पदयात्रेने स्थानिक राजकारणात नवीन ऊर्जा भरली आहे.
यावेळी भाजप महायुतीचे चे प्रमुख पदाधिकारी, सर्व कार्यकर्ते, नागरिक,महिला व बूथ कमिटी मेम्बर्स मोठ्या संख्येने उपस्थित होते.
