कोल्हापूर : विधानसभा निवडणुकीची रणधुमाळी सुरु आहे. महायुती व महाविकास आघाडीच्या उमेदवारांच्या प्रचारसभेचा प्रारंभ ही सुरु झाला आहे . अनेक कार्यकर्ते उमेदवारांना पाठिंबा देत आहेत. महायुती शिवसेनेचे कोल्हापूर उत्तरचे उमेदवार राजेश क्षीरसागर यांना शिवसेना कोल्हापूर जिल्हाप्रमुख सुजित चव्हाण यांच्या माध्यमाने वेताळमाळ मित्र मंडळ व परिसर यांचा जाहीर पाठिंबा मिळाला.
यावेळी क्षीरसागर म्हणाले, वेताळमाळ येथील बरेच नागरीक माझे पहिल्यापासून हितचिंतक आहेतच शिवाय काही घनिष्ट संबंध असणारी जुनी मंडळी देखील आहेत. आज मिळालेल्या जाहीर पाठिंब्याने जास्तीचं बळ मिळालं असुन येणाऱ्या काळात त्यांच्या प्रत्येक प्रश्नांसाठी मी खंबीरपणे उभा राहीन याची खात्री आहे.
