कोल्हापूर : हातकणंगले विधानसभा मतदारसंघाचा महाविकास आघाडीत काँग्रेस पक्षाचा अधिकृत उमेदवार म्हणून राजूबाबा आवळे यांनी आज अर्ज दाखल केला.राजूबाबा आवळे यांच्यावर जीवापाड प्रेम करणारे अनेक कार्यकर्त्यांनी वडगाव ते हातकणंगले अशी 20 किलोमीटर रॅली काढत मोठ्या उत्साहात त्यांना खांद्यावर उचलून नेत प्रशासकीय कार्यालयात अर्ज दाखल केला.
जनतेचा हाच विश्वास सार्थ करण्यासाठी आणि मतदारसंघाचा सर्वांगिण विकास करण्यासाठी मी जीवाचे रान करेन असा विश्वास राजूबाबा आवळे यांनी व्यक्त केला.
यावेळी मतदार संघातील महाविकास आघाडीतील काँग्रेस, शिवसेना उद्धव बाळासाहेब ठाकरे, राष्ट्रवादी काँग्रेस शरदचंद्र पवार व इतर सर्व घटक पक्षांचे पदाधिकारी, कार्यकर्ते आणि हितचिंतक यांनी हजारोंच्या संख्येने उपस्थित होते.
