कोल्हापूर : राधानगरी, भुदरगड, आजरा विधानसभा मतदारसंघाचे उमेदवार प्रकाश आबिटकर यांच्या प्रचाराच्या नियोजनासाठी भाजपा कार्यालय येथे भाजपा राधानगरी ,भुदरगड येथील पदाधिकाऱ्यांची बैठक आयोजित केली होती. या बैठकीस खासदार धनंजय महाडिक हे उपस्थित राहून प्रकाश आबिटकर यांचे स्वागत केले व पदाधिकाऱ्यांशी चर्चा केली.
राज्याचे मुख्यमंत्री एकनाथ शिंदे ,उपमुख्यमंत्री देवेंद्र फडणवीस, उपमुख्यमंत्री अजितदादा पवार यांच्या नेतृत्वाखाली महायुती सरकारने विकासकामांचा डोंगर उभा केला आहे. या विकासकामांच्या आधारावर राज्यात पुन्हा एकदा महायुती सरकार स्थापन होणार आहे. यासाठी राधानगरी, भुदरगड ,आजरा विधानसभा मतदारसंघातील भाजपाच्या पदाधिकारी व कार्यकर्त्यांनी एकजुटीने व एकसंघपणे काम करूया आणि महायुतीचे आमदार उमेदवार प्रकाश आंबेडकर यांना प्रचंड मताधिक्याने विजयी करूया; असा निर्धार या बैठकीत करण्यात आला.
यावेळी माजी आमदार सुरेश हाळणवणकर, प्राध्यापक जयंत पाटील, जिल्हाध्यक्ष नाथाजी पाटील यांच्यासह भाजपाचे पदाधिकारी व कार्यकर्ते मोठ्या संख्येने उपस्थित होते.
