कोल्हापूर : महाराष्ट्र काँग्रेसने 48 उमेदवारांची पहिली यादी प्रसिद्धी केली. काँग्रेस ने अपेक्षेप्रमाणे विद्यमान आमदारांना यादीत स्थान दिले आहे. कोल्हापूर दक्षिणमधून आमदार ऋतुराज पाटील याना उमेदवारी जाहीर करण्यात आली आहे. उमेदवारी दिल्याबद्दल ऋतुराज पाटील यांनी आपल्या भावना व्यक्त केल्या. ते म्हणाले, कोल्हापूर दक्षिण मतदार संघातून इंडिया आघाडी आणि महाविकास आघाडी मधील राष्ट्रीय काँग्रेस पक्षाची अधिकृत उमेदवारी मला दिल्याबद्दल सर्वांना मी मनापासून धन्यवाद देतो.
काँग्रेस पक्षाचे राष्ट्रीय अध्यक्ष खरगे साहेब , सोनिया गांधी ,खासदार राहुलगांधी, शरदचंद्र पवार , उद्धव ठाकरे आणि इंडिया आघाडी, महाविकास आघाडी तसेच काँग्रेस पक्षाच्या सर्व नेत्यांचे ऋतुराज पाटील यांनी आभार मानले व कृतज्ञता व्यक्त केली.
गेली पाच वर्षे दक्षिणमधील प्रत्येक घटकासाठी मी काम केले.पुढील काळात अजून भरपूर काम करण्याची माझी इच्छा आहे. नवनवीन संकल्पना राबवण्याचे माझे स्वप्न आहे. कोल्हापूर दक्षिणची जनता मला या निवडणुकीत भक्कम पाठबळ, आशीर्वाद देईल , असा ठाम विश्वास ऋतुराज पाटील यांनी व्यक्त केला.
