कोल्हापूर :- राष्ट्रपिता महात्मा गांधी यांच्या जयंतीनिमित्त महापालिकेच्यावतीने आज गांधी मैदान वरुणतिर्थवेश येथील राष्ट्रपिता महात्मा गांधी यांच्या प्रतिमेचे पुजन करुन त्यांच्या पुतळयास अतिरिक्त आयुक्त राहुल रोकडे यांच्या हस्ते पुष्पहार अर्पण करण्यात आला. यानंतर ध्वजारोहन करुन राष्ट्रगीत गायन करण्यात आले. यावेळी छत्रपती शाहू विदयालयाचे विद्यार्थी, विदयार्थीनींनी व उपस्थितांनी हे राम हे गांधीजींचे आवडते गीत गायले.
यावेळी उपशहर अभियंता महादेव फुल्लारी, सुरेश पाटील, पशुवैदयकीय अधिकारी डॉ.विजय पाटील, कनिष्ठ अभियंता अक्षय अटकर, अनिरुध कोरडे, अनिल चव्हाण, महापलिकेचे निवृत्त शिक्षक, छत्रपती शाहू विदयालयाचे शिक्षक, शिक्षीका, कर्मचारी व भागातील नागरिक मोठया संख्येने उपस्थित होते.
