कोल्हापूर : पोलीस मुख्यालय येथे पार पडलेल्या 47व्या कोल्हापूर जिल्हा पोलीस क्रीडा स्पर्धेचा बक्षीस वितरण समारंभ दिमाखात पार पडला.
पोलीस अधीक्षक महेंद्र पंडित यांच्या हस्ते बक्षीस वितरण करण्यात आले. यावेळी अप्पर पोलीस अधीक्षक निकेश खाटमोडे-पाटील,श्रीमती जयश्री देसाई स.पोलीस अधीक्षक अन्नपूर्णा सिंग पोलीस उपाधीक्षक प्रिया पाटील,अजित टिके तसेच कोल्हापूर शहर व विभागातील सर्व पोलीस ठाणे प्रभारी अधिकारी उपस्थितीत होते .
या स्पर्धेत कोल्हापूर पोलीस दलातील एकूण 140 खेळाडूंनी सहभाग घेतला होता. बक्षीस वितरण समारंभाची सुरुवात महिला व पुरुष 100 मीटर धावणे अंतिम स्पर्धे पासून सुरू झाली. त्यानंतर पोलीस अधीक्षक यांना संचालनाद्वारे मानवंदना देण्यात आली. सदर स्पर्धेचे आयोजन राखीव पोलीस निरीक्षक राजकुमार माने यांचे मार्गदर्शनाखाली सहाय्यक फौजदार संदीप जाधव, उदय शेळके, बाबा धुळे, तुषार कांबळे, हरी पाटील ,सुनील जांभळे धनंजय परब, बाबा दुकाने , विनायक गुरव यांनी केले.
