कसबा बावडा (प्रतिनिधी):आयुष्यात प्रत्येक विद्यार्थ्याची वेगवेगळी स्वप्ने असतात. ही स्वप्ने साकारण्यासाठी आई-वडील प्रयत्न करत असतात.आता कष्ट करून तुमच्या जीवनात यशस्वी व्हा.पुढील तीन वर्षात डी वाय पाटील ग्रुपच्या माध्यमातून तुम्हाला एक चांगला इंजिनियर आणि जबाबदार व्यक्ती बनवण्याचा आम्ही नक्की प्रयत्न करू, असा विश्वास डी वाय ग्रुपचे कार्यकारी संचालक डॉ. ए के गुप्ता यांनी दिला. डॉ.डी. वाय.पाटील पॉलिटेक्निक, कसबा बावडा येथील प्रथम वर्ष विद्यार्थी स्वागत समारंभ कार्यक्रमात ते बोलत होते.
डॉ.गुप्ता पुढे म्हणाले, डी वाय पाटील हा महाराष्ट्रातील सर्वात मोठा शैक्षणिक ग्रुप असून जगभरात सुमारे 182 शैक्षणिक संस्था कार्यरत आहेत. या संस्थेतून शिक्षण घेऊन गेलेले हजारों विद्यार्थी जगभरात काम करतात. विद्यार्थांच्या प्रगतीसाठी लागणारे सर्व सहकार्य हे डी वाय पाटील ग्रुपच्या माध्यमातून केले जाईल अशी ग्वाही यावेळी डॉ. गुप्ता यांनी दिली.
यावेळी बोलताना प्राचार्य डॉ. महादेव नरके यांनी सांगितले की, डॉ.डी. वाय पाटील पॉलिटेक्निक च्या माध्यमातून आम्ही अष्टपैलू विद्यार्थी घडवण्यासाठी सातत्याने प्रयत्न करत असतो. अकॅडमिक्स बरोबर कला, क्रीडा, सांस्कृतिक उपक्रमातून विद्यार्थांच्या कलागुणांना वाव दिला जातो. तसेच अनेक नोकरीच्या संधी सुद्धा उपलब्ध करून दिल्या जातात. भविष्यात सुद्धा विद्यार्थी हाच केंद्रबिंदू मानून पॉलिटेक्निकची वाटचाल सुरू राहील. तुम्ही एका चांगल्या टप्प्यावर आला आहात. स्वतःची सावली तयार करायची असेल तर आपण उन्हात उभे राहायला हवे. कष्ट करायची तयारी ठेवा . तुमचे पहिले पालक आई-वडील आहेत तर दुसरे पालक आम्ही आहोत. त्यामुळे हे दोघे पालक मिळून विद्यार्थांचे भविष्य घडवू असा विश्वास प्राचार्य डॉ. नरके यांनी दिला.
यावेळी दहावीतील गुणवंत विद्यार्थ्यांचा सत्कार करण्यात आला. पालक सुरेश देसाई , सौ.तेजस्विनी वरुटे तसेच विद्यार्थिनी कु.आर्या पाटील , कु.वैष्णवी पाटील यांनी यावेळी मनोगत व्यक्त केले.
यावेळी उपप्राचार्य सौ .एम. पी. पाटील, प्रथम वर्ष विभाग प्रमुख प्रा. बी.जी. शिंदे, असिस्टंट रजिस्ट्रार प्रा. सचिन जडगे, प्रा. महेश रेनके, प्रा. अक्षय करपे, प्रा.नितीन माळी, शिक्षक स्टाफ, पालक आणि विद्यार्थी यांची उपस्थिती होती.
