कोल्हापूर – पन्हाळगड, कोल्हापूर येथे ‘पन्हाळगडाचा रणसंग्राम’ या लघुपटाचे स्क्रिनिंग असलेल्या ’13D थिएटर’ चे उद्घाटन मुख्यमंत्री देवेंद्र फडणवीस यांच्या हस्ते करण्यात आले.
उपस्थित मान्यवरांनी दुर्मिळ ऐतिहासिक कलाकृती आणि शस्त्रास्त्रांच्या प्रदर्शनाला भेट दिली. या प्रदर्शनात तलवार, शिलाहार वंशाचे सोन्याचे नाणे आणि राजर्षी छत्रपती शाहू महाराजांनी बनवलेल्या छत्रपती शिवाजी महाराजांच्या पहिल्या अश्वारूढ पुतळ्याची प्रतिकृती पहायला मिळाली. पंतप्रधान नरेंद्र मोदी यांच्या दूरदर्शी नेतृत्वाखाली, भारताने छत्रपती शिवाजी महाराजांच्या 12 किल्ल्यांचे युनेस्कोच्या जागतिक वारसा दर्जासाठी नामांकन केले आहे. एक सादरीकरण पॅरिसमध्ये आयोजित करण्यात आले होते. हे उपक्रम केवळ इतिहासाचे जतन करण्यापुरते नसून भावी पिढ्यांना त्याचा गौरव आणि वारसा अनुभवण्याची खात्री देतात असे वक्त्यव्य आमदार राहुल आवाडे यांनी केले.
यावेळी महाराष्ट्र विधानसभेचे अध्यक्ष डॉ. राहुल नार्वेकर, मंत्री चंद्रकांतदादा पाटील, मंत्री प्रकाश आबिटकर, राज्यमंत्री इंद्रनील नाईक, खासदार धनंजय महाडिक, खासदार धैर्यशील माने, आमदार गोपीचंद पडळकर, आमदार डॉ. विनय कोरे, आमदार अमल महाडिक, आमदार प्रकाशआण्णा आवाडे आदी मान्यवर उपस्थित होते.
