महागाव: मागच्या वेळी चंदगड विधानसभा मतदारसंघातून राष्ट्रवादीचे नेते शरद पवार यांच्या जीवावर निवडून आलेले गद्दार निघाले परंतु त्यांना लोकसभेत पवारांना सोडले की काय होतं हे समजलं आहे. आता वेळ आली आहे की या निवडणुकीत सगळ्यांनी मिळून या गत्यारांचा हिशेब करायचा आहे अशी टीका पक्षाची प्रदेशाध्यक्ष जयंत पाटील यांनी चंदगडचे आमदार राजेश पाटील यांचे नाव न घेता केली.
अनिकेत मंगल कार्यालयात आयोजित हिरकणी महोत्सव अंतर्गत नारीशक्ती व कार्यकर्ता संवाद मेळाव्यात ते बोलत होते. गद्दारांच्या पराभवासाठी शरद पवार गटाच्या मागे ताकतीने उभे राहावे, असे आवाहनही त्यांनी केले. यावेळी माजी आमदार संध्यादेवी कुपेकर,जिल्हा अध्यक्ष व्ही.बी. पाटील, महिला जिल्हाध्यक्षा माने यांची प्रमुख उपस्थिती होती.
