कोल्हापूर (प्रतिनिधी) कळंबा परिसरातील शासकीय आयटीआय, महालक्ष्मी देवालय, कात्यायनी वस्ती आदी ठिकाणी मतदान, प्रशिक्षण, प्रसार व जनजागृती अंतर्गत ईव्हीएम यंत्राद्वारे मतदान प्रक्रिया कशी करावी, यासंदर्भात मतदारांना प्रात्यक्षिक दाखवण्यात आले.
यावेळी तलाठी पुरुषोत्तम ठाकूर म्हणाले, ईव्हीएमद्वारे होणारे मतदान आपण दिलेल्या व्यक्तीलाच जाते. काही वेळा लोकांच्या मनात ईव्हीएम मशीनद्वारे केल्या जाणाऱ्या मतदान प्रक्रियेबाबत शंका असतात. त्या दूर करण्यासाठी या मोहिमेचे आयोजन करण्यात आल्याचे त्यांनी सांगितले. परिसरातील ग्रामस्थांनी शंकांचे समाधान करून घेतले.यावेळी सर्कल बी. एल. जाधव, तलाठी पुरुषोत्तम ठाकूर, पंचायत सदस्य आणि ग्रामस्थ उपस्थित होते.