बहिरेश्वर प्रतिनिधी…गोकुळ दुध संघाने गाय दुध दरात साधारण ४ रु कपात करून दुध उत्पादक सभासंदावर अन्याय केला आहे.ती दर कपात पुर्ववत करावी यासाठी सर्वपक्षीय करवीर तालुक्यातील दूध उत्पादकांची बीडशेड येथील महालक्ष्मी हाॅल येथे माजी सभापती राजेंद्र सुर्यवंशी यांच्या मार्गदर्शनाखाली बैठक पार पडली.
या बैठकीस आमशी, म्हारूळ, पासार्डे,बारा वाड्या, गणेशवाडी, बहिरेश्वर,शिरोली,वाकरे,खांटागळे,बाचणी,आदी गावातील दूध उत्पादकांनी हजेरी लावत प्रत्येक दूध उत्पादकांने आपल्या भावना व्यक्त दूध संघाच्या कारभाराबाबत संताप व्यक्त केला.
यावेळी राजेंद्र सुर्यवंशी यांनी अमूल दूध संघ व आपली मातृसंस्था गोकूळ दूध संघ या दोन्ही दूध संघातील दर फरकाचा पाढाच वाचला…अमूल संघाच्या म्हैस दूध दरात १०.० फॅटला गोकुळ च्या दरापेक्षा १८ रू जास्त तर गाय दूध दरात १.२० पैसे दर जास्त असलेच सांगितले .जर अमूल संघाला दर देण परवडत तर गोकुळ ला का परवडत नाही? असा सवाल उपस्थित केला.
दूध संघाने दिवाळीपूर्वी दुध दरात केलेली कपात निदान पूर्ववत तरी करावी अन्यथा दूध संघावर भव्य मोर्चा काढूच शिवाय संचालकांची दिवाळी गोड होवु देणार नाही असा इशाराही सूर्यवंशी यांनी दिला..राजु शेट्टी नी जसा ऊस दरासाठी लढा देत ऊसाला दर मिळवला तसा दूध दरासाठी ही लढा देण्याची आज गरज भासत आहे..आपल्याला ही दूध दरासाठी एखादी संघटना काढावी लागणार आहे तरच गोकुळ दुध संघाच्या संचालक मंडळाच्या मनमानी कारभाराला चाप लागणार आहे.आज जर आपण हा अन्याय सहन केला तर ही मंडळी अजून ४ रु कपात करायला सूध्दा मागेपुढे पाहणार नाहीत यासाठी आपण सर्वांनी एकत्रित येवून व्यापक असा मोर्चा गोकुळ वर काढूया व सर्वसामान्य दूध उत्पादक सभासदांना न्याय मिळवून देवूया यासाठी माझी राजकीय कारकीर्द धोक्यात आली तरी बेहत्तर…पण हा लढा यशस्वी करण्यासाठी सर्वांनी एकत्रित येवून साथ द्या असे आवाहन राजेंद्र सूर्यवंशी यांनी केले..
यावेळी बहिरेश्वर येथील दूध उत्पादक सभासद बबलू चौगले यांनीही आपण नोकरी नसलेन अण्णासाहेब पाटील आर्थिक मागास कर्ज काढून जनावरे घेतली आहेत.बॅक हप्ता जावून कसाबसा तरी संसाराचा गाडा चालवत होतो पण दुध संघाने दरात कपात तर पशूखाद्य दरात भरमसाठ वाढ करून आमच्या सारख्या हजारो तरूणांचे कंबरडे मोडले आहे,तरी आदरणीय चेअरमन व संचालक मंडळाने आमच्या मागण्या विचारात घेवून कपात केलेल्या दरात वाढ करून दरवाढ निदान पुर्ववत तरी करावी अशी मागणी केली..
या सभेला शामराव सूर्यवंशी,प्रा टी एल पाटील ,, सर्जेराव पाटील,(खांटागळे),पैलवान शिवाजी पाटील (म्हारूळ,) विलास चौगले (पासार्डे)अनिल बचाटे ,अमर खाडे,शरद चौगले,सागर पाटील (बहिरेश्वर)आदी दूध उत्पादक सभासद मोठ्या संख्येने उपस्थित होते.
