कोल्हापूर : पाच रुपयाच्या पेरूचे आमिष दाखवून नऊ वर्षाच्या कोवळ्या चिमुरडीवर बलात्कार करणाऱ्या कोल्हापूर येथी शाहुपुरीतील नराधमाला आज (सोमवार) दहा वर्षे सक्तमजुरी आणि पन्नास हजार रुपये दंडाची शिक्षा ठोठावण्यात आली.
ओंकार उर्फ बंड्या उर्फ भूकंप आनंदा दाभाडे (वय 23 रा. शाहूपुरी कोल्हापूर) असे नराधमाचे नाव आहे.जिल्हा व सत्र न्यायाधीश (वर्ग1) श्रीमती एस. आर. पाटील यांनी खटल्याचा निकाल दिला नराधमाला ठोटावलेल्या दंडापैकी ४० हजार रुपयांची रक्कम पीडित मुलीला देण्याचा आदेश न्यायालयाने दिला. 15 सप्टेंबर 2018 मध्ये भरदिवसा घडलेल्या घटनेनंतर शहरात संतापाची लाट उसळली होती.
शाहूपुरी पोलिसांनी नराधमाला बेड्या ठोकून मुसक्या आवळल्या होत्या खटल्याची पार्श्वभूमी अशी की, पीडित मुलीची आजी आणि अन्य नातेवाईक सकाळी कामाला गेल्याने चिमुरडी घरी एकटीच होती शिवाय गणेशोत्सवासाठी शाळेला सुट्टी होती. त्यामुळे मुलगी घरात खेळत बसली होती.या दिवशी सकाळी साडेनऊ वाजता आरोपी ओकार दाभाडे वेद मुलीच्या घरी आला त्याने तुला पेरू विकत घेण्यासाठी पाच रुपये देतो असे सांगून घराचा आतून दरवाजा बंद केला चटई अंथरून चिमुरडीला विवस्त्र करून जबरदस्तीने तिच्यावर बलात्कार केला. या घटनेनंतर काही वेळात पीडित मुलीची आजी घराकडे आली असता माथेफिरू तरुण विवस्त्र आढळून आला. शिवाय मुलगी ही त्याच अवस्थेत होती हा प्रकार पाहून आजीला धक्का बसला. तिने आरडाओरडा केला. मात्र, आजीला ढकलून देऊन त्याने घरातून पलायन केले.
