कोल्हापूर : देशासाठी लढणाऱ्या शुरवीरांच्या व स्वातंत्र्यसैनिकांच्या बलिदानाने देशाला स्वातंत्र्य प्राप्त् झाले. स्वातंत्र्य समता, बंधूभाव, एकसंघ राष्ट् व मानवतेचा संदेश देणाऱ्या घटनेने आपल्या देशाला सामाजिक सुरक्षितता, सहिष्णूता व स्थैर्य प्राप्त करुन दिले.
आजच्या युवकांनी राष्ट्र ऐक्याच्या भावनेतून देशाला प्रगतीपथाकडे न्यावे, असे विचार श्री स्वामी विवेकानंद शिक्षण संस्थेचे कार्याध्यक्ष मा. प्राचार्य अभयकुमार साळुंखे यांनी ध्वजारोहण समारंभाचे प्रमुख पाहुणे म्हणून बोलताना मांडले. श्री स्वामी विवेकानंद शिक्षण संस्थेच्या सेक्रेटरी मा. प्राचार्या सौ. शुभांगी गावडे, विवेकानंद कॉलेजचे प्राचार्य डॉ.आर.आर.कुंभार, संस्था परिसरातील डॉ.बापूजी साळुंखे इंजिनिअरींग कॉलेज, डॉ.बापूजी साळुंखे हॉटेल मॅनेजमेंट इन्स्टीटयुट, सावित्रीबाई फुले नर्सिंग कॉलेज, न्यू मॉडेल इंग्लिश स्कूल व ज्युनिअर कॉलेजचे प्राचार्य यांची प्रमुख उपस्थिती होती. विवेकानंद कॉलेजमध्ये संस्था कार्याध्यक्ष मा. प्राचार्य अभयकुमार साळुंखे यांच्या हस्ते ध्वजारोहण करणेत आले. यावेळी एन.सी.सी.च्या विद्यार्थ्यांनी शानदार परेड संचलन व प्रात्यक्षिके सादर केली.
यावेळी सेवानिवृत्त होणाऱ्या तसेच पीएच.डी. पदवी प्राप्त केलेल्या, सेट परीक्षा उत्तीर्ण व पुस्तक लेखक, प्रकाशक
या गुणवंत प्राध्यापक व प्रशासकीय सेवकांचा प्रमुख पाहुण्यांच्या हस्ते सत्कार करण्यात आला. यावेळी सत्कारमूर्तीनी आपले मनोगत मांडले. कार्यक्रमाचे आभार प्रा. डॉ. बी.टी.दांगट यांनी मानले.
विवेकानंद कॉलेजचे प्राचार्य डॉ. आर. आर. कुंभार यांच्या मार्गदर्शनाखाली कार्यक्रमाचे संयोजन जिमखाना विभाग प्रमुख प्रमुख प्रा.डॉ.विकास जाधव, कॅप्टन सुनिता भोसले, लेफ्टनंट जे.आर.भरमगोंडा, प्रा संतोष कुंडले, प्रा.समीर पठाण, रजिस्ट्रार श्री.आर.बी.जोग , प्रशासकीय कर्मचारी यांनी केले.
या प्रसंगी डॉ.ई.बी.आळवेकर, प्रा.एस.पी.थोरात, प्रा.शिल्पा भोसले, प्रा.के.जे.गुजर, प्रा एम.आर.नवले, प्रा.विश्वंभर कुलकर्णी, श्री. हितेंद्र साळुंखे, संस्था परिसरातील डॉ.बापूजी साळुंखे इंजिनिअरींग कॉलेज, डॉ.बापूजी साळुंखे हॉटेल मॅनेजमेंट इन्स्टीटयुट, सावित्रीबाई फुले नर्सिंग कॉलेज, न्यू मॉडेल इंग्लिश स्कूल व ज्युनिअर कॉलेजचे प्राचार्य, प्राध्यापक, विद्यार्थी उपस्थित होते. कार्यक्रमाचे सुत्रसंचालन प्रा समीक्षा फराकटे व प्रा सुप्रिया पाटील यांनी केले.
