कुंभोज ( विनोद शिंगे)
सहकार भारती आणि कल्लाप्पाण्णा आवाडे जवाहर शेतकरी सहकारी साखर कारखाना लि., हुपरी यांच्या संयुक्त विद्यमाने आयोजित शेती विकास कार्यशाळा मोठ्या उत्साहात पार पडली. या कार्यशाळे मध्ये नॅनो टेक्नॉलॉजीच्या माध्यमातून विकसित नॅनो खतांचा वापर करून कमी खर्चात अधिक उत्पादन कसे मिळवता येईल याबाबत शेतकऱ्यांना मार्गदर्शन करण्यात आले.
या कार्यशाळेचे उद्घाटन आमदार डॉ. राहुल आवाडे यांच्या हस्ते व माजी मंत्री मा. आमदार प्रकाशआण्णा आवाडे, कार्यशाळेचे अध्यक्ष, सहकार भारती महाराष्ट्र प्रदेशाचे महामंत्री विवेक जुगादे, सहकार भारती महाराष्ट्र प्रदेश महिला अध्यक्षा सौ वैशालीताई आवाडे, सहकार भारती पतसंस्था प्रकोष्ठ प्रदेश अध्यक्ष सागर चौगुले, बुलढाणा अर्बन बँकेचे अध्यक्ष शिरीष देशपांडे, सहकार भारती कोल्हापूर विभाग सह संघटक जवाहर छाबडा, क आवाडे इचलकरंजी जनता सह बँकेचे चेअरमन स्वप्निलदादा आवाडे* यांच्या प्रमुख उपस्थितीत दीपप्रज्वलन करून करण्यात आले.
यावेळी ईफको लि. पुणेचे वरीष्ठ व्यवस्थापक महादेव पोवार यांनी नॅनो खतांची काळजी व वापरण्याची पद्धत यावर मार्गदर्शन केले. यावेळी सहकार भारती कोल्हापूर जिल्हा नवीन कार्यकारणी जाहीर करण्यात आली.
या कार्यशाळेस कल्लाप्पाण्णा आवाडे जवाहर शेतकरी सहकारी साखर कारखान्याचे व्हा. चेअरमन बाबासो चौगुले, कार्यकारी संचालक मनोहर जोशी यांच्यासह कारखान्याचे संचालक व इतर मान्यवर, शेतकरी मोठ्या संख्येने उपस्थित होते.
