कोल्हापूर : हातकणंगले विधानसभा मतदारसंघातून महाविजय मिळाल्यानंतर जिल्ह्याचे लोकनेते माजी .आमदार महादेव महाडिक यांची छ.राजाराम कारखाना कार्यस्थळावर आमदार अशोकराव माने यांनी भेट घेतली. यावेळी माने म्हणाले, “माझ्या या महविजयामध्ये आदरणीय आप्पांचा सिंहाचा वाटा आहे आप्पांनी लावलेल्या जोडण्यांमुळे माझ्या विजय सोपा झाला.”
माने यांनी महादेवराव महाडिक यांचा पुष्पहार घालून सत्कार केला व केलेल्या सहकार्याबद्दल मनःपुर्वक आभार मानले. तसेच येणाऱ्या काळात मतदारसंघाचा प्रतिनिधी म्हणून आमदार अमल महाडिक व धनंजय महाडिक यांच्या सहकार्याने समाजहित डोळ्यासमोर ठेवून विकासात्मक काम करण्याची ग्वाही दिली.
यावेळी छ.राजाराम कारखान्याचे संचालक दिलीप पाटील,वडगांव बाजार समितीचे सभापती सुरेश पाटील, मा. जि.प.सदस्य अरुण पाटील, उद्योगपती आदित्य सुर्यवंशी,मा.नगराध्यक्षा डॉ. नीता माने,सुहास राजमाने,उद्योगपती धनंजय टारे,रविकिरण गवळी यांसह कारखान्याचे संचालक,कर्मचारी उपस्थित होते.
