कोल्हापूर:महाविकास आघाडीतील शिवसेना (उद्धव बाळासाहेब ठाकरे ) पक्षाचे राधानगरी भुदरगड विधानसभा मतदारसंघातील उमेदवार के. पी. पाटील आणि शाहूवाडी विधानसभा मतदारसंघातील उमेदवार सत्यजीत पाटील- सरूडकर यांनी आज अजिंक्यतारा कार्यालय येथेआमदार सतेज पाटील यांची सदिच्छा भेट घेतली. महाविकास आघाडीच्या या दोन्ही उमेदवारांना यावेळी सतेज पाटील यांनी शुभेच्छा दिल्या.
यावेळी राधानगरी तालुक्यातील काँग्रेस कार्यकर्त्यांचा मेळावा माजी आमदार मालोजीराजे छत्रपती आणि के. पी. पाटील यांच्या उपस्थितीत पार पडला. महाविकास आघाडीचे उमेदवार म्हणून के. पी. पाटील यांना मताधिक्यांनी निवडून आणण्याचा निर्धार काँग्रेस कार्यकर्त्यांनी केला.
