जयसिंगपूर ( प्रतिनिधी)
राजू शेट्टी सोशल फाउंडेशन जिल्हा कौशल्य विकास, रोजगार व उद्योजकता मार्गदर्शन केंद्र कोल्हापूरयांच्या संयुक्त विद्यमाने जयसिंगपूर कॉलेज जयसिंगपूर येथे मंगळवारी ( दि २४ )प्रशिक्षणार्थी व भरती मेळावा आयोजित केला आहे. अशी माहिती सौरभ शेट्टी यांनी दिली.
जयसिंगपूर कॉलेज जयसिंगपूर, ता. शिरोळ येथे सकाळी ९ ते दुपारी ३ या वेळेमध्ये या मेळाव्याच्या आयोजन केलेले आहे. सदर मेळाव्यास जिल्ह्यातील व जिल्हा बाहेरील सत्तरहून अधिक कंपन्या मुलाखातीसाठी येणार असून या मेळाव्यामध्ये बारावी पास पासून सर्व क्षेत्रातील विद्यार्थ्यांचे मुलाखती होतील.
अंतिम वर्ष संपलेल्या विद्यार्थ्यांसाठी मुलाखतीमध्ये जागेवर निवड होऊन त्यांना हमखास सरकारी भत्ता मिळणार आहे. आणि जे तरुण रोजगाराच्या शोधात असतील त्या तरुणांसाठी कोल्हापुर जिल्ह्यातील मोठ्या कंपन्याच्या माध्यमातून रोजगाराची संधी उपलब्ध होतील. तरी जिल्ह्यातील जास्तीत जास्त युवक युवतींना याचा लाभ घ्यावा, असे आवाहन स्वाभिमान विद्यार्थी परिषदेचे सौरभ शेट्टी यांनी केले आहे.
