कोल्हापूर – शिरगाव येथे ट्रकच्या धडकेत निगुडे (तालुका सावंतवाडी) येथील सिताराम उर्फ बाबल सदाशिव चव्हाण (वय 55) यांचा जागीच मृत्यू झाला. ही घटना सोमवारी दिनांक 16 सप्टेंबर रोजी सकाळी घडली. सोमवारी सकाळी आठच्या सुमारास चव्हाण हे कोल्हापूर येथून निगुडे येथे गावी निघाले होते.बस स्थानकाच्या दिशेने रस्त्याकडे पायी जात असताना भरधाव आलेल्या ट्रकने त्यांना धडक दिली त्यात त्यांच्या डोक्याला गंभीर दुखापत झाली होती.
त्यांना स्थानिकांनी तात्काळ रुग्णालयात दाखल केले. वैद्यकीय अधिकाऱ्यांनी तपासणी केली असता मृत घोषित केले. त्यानंतर त्यांचा मृतदेह कोल्हापूरहून निगुडेत आणला. गावातील स्थानिक स्मशानभूमीत त्यांच्यावर अंत्यसंस्कार करण्यात आले या घटनेने सरपंच लक्ष्मण निगुडकर तसेच निगुडे गावावर शोककळा पसरली. सिताराम हे कोल्हापुरातील शिरगाव येथील एका खासगी कारखान्यात नोकरी करत होते. त्यांच्या मागे पत्नी, दोन मुलगे, सून, बहिणी असा परिवार आहे.
