पाटणा : बिहारमध्ये एक धक्कादायक घटना समोर आली आहे. एका डॉक्टरांने युट्युब वरील व्हिडिओ पाहून पंधरा वर्षाच्या मुलाचं किडनी स्टोनच ऑपरेशन करण्याचा प्रयत्न केला, परंतु यामुळे या मुलाची तब्येत बिघडली. यानंतर या डॉक्टरांनी मुलाला रुग्णवाहिकेतून पाटणा येथे घेऊन जाण्याचा प्रयत्न केला.
मात्र रस्त्यामध्येच त्याचा मृत्यू झाला. ही घटना छपरामधील गडखा येथील मोतीराजपूर येथील श्री गणपती सेवा सदांच्या नर्सिंग हॉस्पिटलमध्ये घडली. या घटनेनंतर डॉक्टर आणि त्याचे साथीदार फरार झाले आहेत. मुलाचा मृत्यू झाल्याने त्याचे कुटुंबीय आक्रमक झाले होते.
