वाराणसी:भीमसेन स्थानकादरम्यान रात्री २.३० वाजण्याच्या सुमारास वाराणसी-अहमदाबाद दरम्यान प्रवास करणाऱ्या साबरमती एक्सप्रेसचे २२ डबे रूळावरून घसरले.
या अपघातात कुणीही जखमी झाले नसल्याची माहिती रेल्वे अधिकाऱ्यांनी दिली. लोको पायलटने दिलेल्या माहितीनुसार ,रूळावरील वस्तूला इंजिनची धडक बसल्यामुळे सदर अपघात झाला. या अपघातानंतर रेल्वेने प्रवाशांना बसची सुविधा उपलब्ध करून देत त्यांना कानपूर येथे आणले आहे. तिथून त्यांची अहमदाबादला जाण्याची व्यवस्था केली जात आहे.
