कोल्हापूर : भारतीय जनता पार्टी कोल्हापूरच्या वतीने आज बिंदू चौक येथे तरुण , बेरोजगारांना कंत्राटी पद्धतीने शासकीय नोकर भरती चे आमिष दाखविणाऱ्या महाविकास आघाडीचा आंदोलन करून निषेध करण्यात आला.कोल्हापूर बरोबरच आज संपूर्ण महाराष्ट्रात प्रत्येक शहर व जिल्ह्याच्या ठिकाणी भारतीय जनता पार्टीच्या वतीने निषेध आंदोलने करण्यात आली.
यावेळी भाजपा खासदार धनंजय महाडिक आपले मनोगत व्यक्त करताना म्हणाले, महाविकास आघाडीने त्यांच्या शासनकाळी कंत्राटी पद्धतीने शासकीय नोकर भरती प्रक्रिया राबविली होती. आज महाविकास आघाडीचे नेते विरोध करत आहेत.
यानंतर भाजपा महाराष्ट्र प्रदेश सचिव महेश जाधव यांनी आपले मनोगत व्यक्त केले. त्यावेळी ते म्हणाले ,” महाराष्ट्रात बेरोजगारी कमी करण्यासाठी कंत्राटी भारती करणे गरजेचे आहे हि वस्तुस्थिती माहित असून महाविकास आघाडीचे नेते हीन दर्जाचे राजकारण करत आहेत. २००५, २०११ व २०१३ काँग्रेस व राष्ट्रवादीच्या नेत्यांनी हीच प्रक्रिया राबवली होती. त्यावेळी कोणत्याही राजकीय पक्षाने विरोध केला नाही. पण आज लोकप्रियतेसाठी व राजकारणासाठी महाविकास आघाडीचे नेते विरोध करत आहेत ,”या वृत्तीचा महेश जाधव यांनी निषेध केला.
जिल्हाध्यक्ष विजय जाधव म्हणाले, माजी पृथ्वीराज चव्हाण अशोकराव चव्हाण यांनी आपल्या काळात कंत्राटी भरती केली याचा जी.आर. काढला आहे. याचा आजच्या नेत्यांना विसर पडला आहे. तरुणांच्या हक्काच्या नोकरी व रोजगार घालवण्याचे पाप महाविकास आघाडीने केले आहे असे त्यांनी मत मांडले. यावेळी महाविकास आघाडीच्या निषेधाच्या घोषणा देण्यात आल्या.
यावेळी विधानसभा प्रमुख सत्यजित उर्फ नाना कदम, संजय सावंत, सदानंद राजवर्धन, अजित ठाणेकर, दीपक जाधव, गणेश देसाई, हेमंत आराध्ये, राजू मोरे, आप्पा लाड, शैलेश पाटील, धनश्री तोडकर, विजयसिंह खाडे – पाटील, भरत काळे , संतोष भिवटे, रशीद बारगीर, आशिष कापडेकर, रोहित पवार यांच्यासह कार्यकर्ते उपस्थित होते.
