कोल्हापूर (प्रतिनिधी) ज्या पद्धतीने महाराष्ट्रात हॉस्पिटल मध्ये दुर्दैवी घटना घडत आहेत,त्याला अनुसरून प्रत्येक ठिकाणी शासकीय हॉस्पिटल मध्ये,औषधांचा सठा पुरेसा आहे कि नाही?रोजच्या सर्जरी वेळेवर होतात कि नाही? रक्त पेढी मध्ये रक्त साठा किती आहे?बहु चर्चीत एम, आर, आय मशीन केव्हा येईल? हॉस्पिटल परिसरातील अस्वच्छता? सध्या स्टाफ किती आहे? एखाद्या डिपार्टमेंट वर लोड आला तर , तो कमी करण्यात येतो? सध्या कार्यरत असलेल्या स्टाफ ची संख्या? अतिदक्षता विभागातील यंत्रणा?सोनोग्राफी साठी होणाऱ्या लोकांच्या फेऱ्या कश्या कमी केल्या पाहिजेत?अश्या अनेक विषयांवर चर्चा करुन सीपीआरच्या अधिष्ठाता (डीन) यांच्या कडून युवासेनेच्या पदाधिकारी यांनी माहिती घेतली.व सर्व टीम,यंत्रणा अजूनही योग्य पद्धतीने कराव्यात अशी विनंती केली.व यात मदतीसाठी युवासेना अग्रेसर राहिल असे सांगितले.
डॉ.प्रकाश गुरव (डीन ) यांनी पदाधिकारी यांच्याशी सकारात्मक चर्चा केली. यावेळी उपस्थित युवासेना जिल्हा प्रमुख मंजित किरण माने, जिल्हा चिटणीस अमित बाबर, शहर युवाअधिकारी योगेंद्र माने, उपशहर युवा अधिकारी चैतन्य देशपांडे, अक्षय घाटगे, सुनील कानूरकर,अभिषेक दाबाडे, विभाग युवा आकाश शिंदे आदी उपस्थित होते.
