पॅलेस्टिनी : पॅलेस्टिनी संघटना हमासने इस्रायलवर केलेल्या हल्ल्यानंतर पंतप्रधान बेंजामिन नेतन्याहू यांनी युद्धाची घोषणा केली आहे. मंत्रिमंडळाच्या तातडीच्या बैठकीनंतर ते म्हणाले- इस्रायलच्या नागरिकांनो, हे युद्ध आहे आणि आम्ही ते नक्कीच जिंकू.हमासने हल्ले सुरू केल्यानंतर 5 तासांनंतर नेतन्याहू यांचे हे पहिले विधान आहे. ते म्हणाले- हल्ल्यात अनेक लोक मारले गेल्याची बातमी आली आहे.
सुमारे 300 लोक जखमी झाले आहेत. पॅलेस्टिनी संघटना हमासने इस्रायलच्या 7 शहरांवर रॉकेट हल्ले केले आहेत. अल जझीराच्या वृत्तानुसार, शनिवारी सकाळी आठच्या सुमारास राजधानी तेल अवीव, सडेरोट, अश्कलोनसह 7 शहरांवर रॉकेट डागण्यात आले. हे रॉकेट निवासी इमारतींवर पडले आहेत. 6 जणांचा मृत्यू झाला आहे. तर 100 हून अधिक लोक जखमी झाले आहेत. मृतांचा आकडा वाढू शकतो.
हमासने या हल्ल्यांची जबाबदारी स्वीकारली असून इस्रायलविरोधात लष्करी कारवाई सुरू केली आहे. येथे इस्त्रायली लष्कराने ‘ऑपरेशन आयर्न स्वॉर्ड’ सुरू केले आहे. लष्कर हमासच्या ठाण्यांवर हल्ले करत आहे.दहशतवादी आपल्या देशात घुसले आहेत. इस्रायलच्या पश्चिमेकडील शहरांमध्ये सातत्याने रॉकेट डागले जात आहेत.यापूर्वी लष्कराने युद्धासाठी सज्ज असल्याचे सांगितले होते.
लष्कराने आपल्या सैनिकांसाठी ‘रेडिनेस फॉर वॉर’चा इशारा दिला होता.या हल्ल्याशी संबंधित व्हिडिओ सोशल मीडियावर व्हायरल होत आहेत. अश्केलॉन शहरातील हल्ल्याच्या व्हिडिओमध्ये रस्त्यांवर उभ्या असलेल्या इमारती आणि वाहने जळताना दिसत आहेत. CNN च्या रिपोर्टनुसार, तेल अवीवच्या गेदेरोट भागात रॉकेट पडल्याने एका 70 वर्षीय महिलेचा मृत्यू झाला आहे. तर 15 जण जखमी झाल्याचे सांगण्यात येत आहे.
