कोल्हापूर : एआयएफजीडीए या सरकारी डॉक्टरांच्या संघटनेच्या राष्ट्रीय खजानिस पदी डॉ. असिफ सौदागर यांची निवड करण्यात आली.
ही निवड २६ राज्यांमधील १५० हुन अधिक प्रतिनिधींनी केली असून मुंबई येथील सोफीटेड हॉटेल येथील झालेल्या तीन दिवसीय अधिवेशनात व सेंट्रल जनरल कौन्सिल बैठकीत निवडींवर शिक्कामोर्तब करण्यात आला. या संघटनेत सर्व देशातील १, ५०, ००० हून अधिक डॉक्टर्स सभासद आहेत. डॉ. असिफ सौदागर हे गेले १७ वर्षे कोल्हापूर जिल्हा संघटनेचे अध्यक्ष होते. तसेच राज्यस्तरावर राज्य संघटक हे पदही भूषविले आहे. पुढील कार्याची दिशा ही सरकारी डॉक्टर्स यांची आठ तास सेवा, भारतातील सर्व डॉक्टर्सना वेतन समानता तसेच डॉक्टारांवरील हल्ले, अन्याय शोषण यांचे निवारण करणे असेल.
