कोल्हापूर (प्रतिनिधी) : कोल्हापूर शेती उत्पन्न बाजार समितीचे श्री शाहू मार्केट यार्ड येथे दिवाळी पाडव्याच्या शुभमुहूर्तावर वडणगे विकास सेवा संस्था मर्या. वडणगे या अडत दुकान ठिकाणी बाजार समितीच्या प्रशासक मंडळाचे अध्यक्ष प्रकाश जगताप यांच्या हस्ते गुळाचे सौदे काढणेत आले.
मुहूर्ताच्या सौदयामध्ये गूळाचे दर प्रतवारीनुसार प्रति क्विंटल रू ३३००/ते रु ५१००/- पर्यंत झाले. यावेळी समिती प्रशासक मंडळाचे अध्यक्ष प्रकाश जगताप यांनी उपस्थित सर्व घटकांना बाजार समितीचे वतीने दीपावली पाडव्याच्या हार्दिक शुभेच्छा दिल्या. व गूळ हंगाम सुरळीतपणे पार पाडावा, असे आवाहन केले.
या कार्यक्रमास प्रशासक मंडळाचे सदस्य बाजीराव जाधव आणि समिती सचिव जयवंत पाटील, उपसचिव राहुल सुरवंशी व के. बी. पाटील तसेच समितीचे अधिकारी, कर्मचारी वर्ग, शेतकरी, अडते, व्यापारी, हमाल, तोलाईदार आदी मोठया संख्येने उपस्थित होते.
