कोल्हापूर (प्रतिनिधी): १७ सप्टेंबर ते २ ऑक्टोबर २०२२ या सेवा पंधरवडा कालावधी मध्ये कोल्हापूर जिल्हयातील मॅट्रीकपुर्व शिष्यवृत्तीसाठी पात्र असणाऱ्या विद्यार्थ्याचे प्रस्ताव स्विकारण्यासाठी विशेष कॅम्पचे आयोजन करण्यात आले आहे. तरी जिल्हयातील अनुदानित प्राथमिक व माध्यमिक शाळेतील विद्यार्थ्याचे प्रस्ताव ३० सप्टेंबर पर्यंत सकाळी ११ ते सायंकाळी ४.०० वाजेपर्यंत गट शिक्षण अधिकारी यांच्या सहीने प्रस्ताव सादर करावेत असे आवाहन जिल्हा परिषद समाज कल्याण अधिकारी दीपक घाटे यांनी केले.
प्रस्ताव सादर करण्याची ठिकाण पुढीलप्रमाणे :
कोल्हापूर शहर (चेतना विकास मंदीर, शेंडा पार्क, कोल्हापूर, करवीर (वि. म. लोहिया मुकबधिर शाळा, न्यू महाद्वार रोड, कोल्हापूर), शिरोळ (नवजीवन हायस्कूल, जयसिंगपूर ता.शिरोळ), इचलकरंजी शहर (गोविंदराव हायस्कूल, इचलकरंजी), हातकणंगले (बळवंतराव यादव हायस्कूल, पेठवडगाव ता. हातकणंगले),गडहिंग्लज, आजरा, चंदगड (माध्यमिक शिक्षक सेवकांची पत संस्था, गडहिंग्लज डॉक्टर कॉलनी. गडहिंग्लज),कागल (स्वर्गीय गणपतराव गाताडे मतिमद विद्यालय, धरणग्रस्त वसाहत, कागल), भुदरगड (पी.बी. पाटील माध्यमिक व ज्यु कॉलेज मुधाळ ता. भूदरगड), राधानगरी (नागेश्वर हायस्कूल राशिवडे बुद्रुक ता.राधानगरी), गगनबावडा (दत्ताजीराव मोहिते पाटील माध्य. विद्यालय, तिसंगी ता गगनबावडा),पन्हाळा व शाहूवाडी (महात्मा गांधी विद्यालय, बांबवडे, ता. शाहुवाडी)
