कोल्हापूर प्रतिनिधी : कोल्हापूर जिल्‍हा सहकारी दूध उत्‍पादक संघ गोकुळने गाय दूध खरेदी दरामध्‍ये १ रुपयांची वाढ केली आहे. रविवार (दि.११सप्टेंबर) पासून ही दरवाढ करण्यात येणार आहे. काल (गुरुवारी) संचालक मंडळाच्‍या झालेल्या बैठकीमध्ये हा निर्णय घेण्‍यात आल्याची माहिती संघाचे चेअरमन विश्‍वास पाटील यांनी दिली.
रविवार (दि.११सप्टेंबर) पासून गाय दूध खरेदी दर ३.५ फॅट व ८.५ एस.एन.एफ प्रतिचे दुधास प्रतिलिटर रूपये ३२.००असा दर राहिल.गोकुळ दूध संघाकडून १ एप्रिल २०२२ पासून आज तागायत गाय दूध खरेदी दरात सरासरी प्रतिलिटर ५ रुपये अशी भरघोस वाढ करून गाय दूध उत्पादकांना दिलासा देण्याचे काम करण्यात आले आहे. भविष्यात हि गोकुळशी संलग्न दूध उत्पादकांचे हित जोपासण्यासाठी कटिबद्ध आहोत असे प्रतिपादन चेअरमन पाटील यांनी केले.
