कोल्हापूर, 21 जुलै : राज्यात कोरोनाची लाट ओसरते न ओसरते नवीन एक राज्यासमोर संकट उभे ठाकले आहे. मुंबईपाठोपाठ राज्यात स्वाईन फ्लूचे रुग्ण वाढत असून कोल्हापूर जिल्ह्यात स्वाईन फ्लूचा शिरकाव म्हणता म्हणता वाढू लागला आहे. शहराच्या उपनगरात पाचगाव येथील एका महिलेचा स्वाईन फ्लूने मृत्यू झाला त्यामुळे जिल्ह्यातील आरोग्य यंत्रणा खडबडून जागी झाली आहे.
कोरोना आता मंकीफॉक्स आणि स्वाईन फ्लूचे दुहेरी संकट ओढावले आहे. राज्यभरात स्वाईन फ्लूच्या रुग्णांच्या संख्येत वाढ होताना दिसत आहे. कोल्हापूरमध्ये स्वाईन फ्लूने पाचगाव येथील एका महिलेचा स्वाईन फ्लूने मृत्यू झाला आहे. मालूताई कांबळे (वय 66) असं या मृत महिलेचं नाव आहे. 15 जुलै रोजी या महिलेची चाचणी रिपोर्ट पॉझिटिव्ह आला होता. मागली आठवड्यभरापासून त्यांच्यावर उपचार सुरू होते. पण प्रकृती साथ देत नसल्यामुळे उपचारदरम्यान त्यांचा मृत्यू झाला.
संपूर्ण जिल्ह्यात सहा रुग्णांवर उपचार सुरू आहे. स्वाईन फ्लूने महिलेचा मृत्यू झाल्यामुळे आरोग्य यंत्रणा अलर्ट झाली आहे. सर्व नागरिकांना दक्षता घेण्याचे आवाहन करण्यात आले आहे. शासकीय रुग्णालयात विशेष कक्ष स्थापन करण्यात आले आहे.
